一田呈獻「豬事福到」賀年食品祭,由即日起至2月8日,全線11間一田超市氣派慶新年,搜羅不同各地各式各樣賀年食品,同大家潮拜新年。
獨家至強 鮑魚添圓滿
最強賀年參茸海味街,阿一、安記、南北行、綠之聖、好東西、啟泰等十大品牌超過百件產品應節推出最優質辦年貨之選!今次更加入屹立超過五十年嘅九龍城馳名海味老店金城,樣樣是寶,亦係唔少名人、明星、闊太捧場海味店,推出一田獨家「金城海味x鮑中寶」 聯乘,一系列高貴海味包括紐西蘭鱈魚膠、天白花菇 、北海道元貝及響螺乾,有名氣更有品質保證,必成城中熱賣賀年貨!團圓之宴唔少得鮑魚入饌,低至68折獨家南北行澳洲鮑魚套裝,齊集醬皇鮑魚、紅燒鮑魚、紅燒珍珠鮑魚、蠔皇鮑魚、花菇皇及養生湯包 ,只售$1,080,為摯愛親朋送上最豐盛之賀年祝福!
豪食安記海味即食溏心吉品鮑魚4隻裝,賀年好價發售,送禮盡顯矜貴,係必備養生滋補珍品,亦係省時方便品嚐鮑魚嘅好選擇!另外,日韓鮑魚抵港熱賣,韓國醬油鮑魚新登場,以韓國醬油精製,風味濃郁,即開即食!「瀛」氣熟日式磯煮鮑魚以傳統日式磯煮方法炮製,鮑魚唔會太鹹而滲出啖啖甜味及鮮味,咬落去有彈性,鮮嫩多汁,令人一試愛上!
星級至旺 送禮表心意
「金博家蔥蔥回魂麵」由歌手曹格老婆「媽咪速玲」所研發,標榜「一口回魂」,號稱係最嗆麻辣麵!刷下兩個月狂賣十萬包,嗜辣之士不容錯過,獲得2018年5月亞太區法國藍帶美食協會即食辣麵評比第二名, 一田新登場獨家發售,彰顯品味,買到嚟自台灣熱搜伴手禮食品-絕世雙椒回魂麵!
美女廚師Chef Kit Mak (麥潔兒)帶來以「人手製作.香港製造」創立之品牌MUGIKO 麥籽,貴為著名烹調家、美食品評家,將誠意及愛嘅美味分享予大家,誠意推介三款首創獨家嘅年糕:紫薯玉露年糕、酒釀桂花馬蹄糕、黑松露蘿蔔糕,以黃金比例足料製作而成,喺一田獨家發售,滿載新春「糕」興!
歌手Hana菊梓喬新成立朱古力品牌Be My Castle,力推之乳酪草莓杏仁白朱古力禮盒,選用最頂級食材如比利時白朱古力、美國原粒扁杏仁、日本優質草莓、紐西蘭乳酪等,以全新口味秘方,為朱古力控帶嚟舌尖上嘅味覺享受,品嘗每顆朱古力之酸甜滋味!
送禮心水又點少得美酒!三得利「響」日本威士忌的首席調酒師福井真二(Shinji Fukuyo),由酒瓶設計到調酒,都一手包辦,花盡心思,每瓶酒均呈現出醇郁圓潤嘅口感,並以獨特24切面設計,印上書法家荻野丹雪氏題字「響」,大大提升視覺與味覺享受,完全感受到日本匠人之細膩心思。另外熱推款白州單一麥芽日本威士忌 ,名聲高受國際威士忌愛好者歡迎,其廠房亦係世界少數位於高地地區嘅蒸餾廠,三得利是日本頂級威士忌領先者,白州身為其三大威士忌系列之一,絕對品質上乘有保證!
鮮味至濃 視覺兼味覺
新年一家團圓最重要,一田搜羅最鮮最多高貴食材鮮味專區,帶嚟超大U4野生大海蝦皇、濟洲韓牛1++、北海道2公斤大大隻熟油蟹,真正豪食過肥年,一頓矜貴團圓飯盡品味!
KUMAMON迷注目日本直送旬果,「紅」運當頭有熊本熊紅草莓禮盒,鮮紅艷麗,超高甜度,濃濃草莓香令人食福滿載!熊本晩白柚禮盒亦係時令當紅果,晩白柚係世界最大嘅柑橘類水果,果實飽滿、果肉酸甜多汁,味道清新,絕對是「甜」蜜禮意!
鮮味新登場還有180天純釀造金博家松露醬油,嚴選整顆法國黑松露,與100%美國非基因改造黃豆製醬油一起熬煮,自然甘醇味美;極品琥珀黑麻油,堅持嚴選高品質黑芝麻,以創新耗時之冷壓工法,100%天然無添加製成,皆以福氣價$88有售!
回贈至高 匯豐加銀聯
Best Buy搶手至抵年貨之外,想慳錢過肥年,必用指定信用卡享額外推廣優惠!由1月18至24日,憑匯豐信用卡喺一田超市可享即日單一簽賬淨額滿HK$300或以上,可獲$60一田現金禮券;銀聯卡亦聯手呈獻狂歡週末推廣,由即日起至2月23日期間,逢星期六憑銀聯卡/Apple Pay於全線一田超市及特別展銷場單一消費HK$500,即可換領$50/$80一田現金禮券一張,回贈高達16%。
新春期間1月18至2月3日更加推至逢星期五、六、日,著數更多!匯豐銀聯信用卡持卡人可同時獲享以上兩項簽賬獎賞,於1月18、19、20日雙重尊享高達HK$140 回贈 (即高達28%回贈)!(詳情請參閱有關宣傳單張)
日式達摩係日本嘅緣起物,除作許願之用,亦寓意長壽吉祥。顧客於一田購物累積消費每滿$500,憑即日機印發票就可以免費換領一田「正月之縁起物」利是封一包。每人每次限換10包,每日數量有限,換完即止。
5大商場聯手.賀年食品年宵市場
一田特別與5大商場聯手,分別於YOHO、MOKO、荃灣廣場、東港城、新都會廣場中庭加開賀年食品年宵市場,讓顧客放便入手抵貨潮貨,豐足過新年!
。荃灣廣場1樓(17/1-8/2)
。元朗YOHO MALL 1期1樓(17/1-8/2)
。葵芳新都會廣場3樓(17/1-8/2)
。將軍澳東港城1樓(19/1-8/2)
。旺角MOKO MTR層(21/1-8/2)